Rumah Gadang Sebagai Monumen di Minangkabau

Saturday, October 8, 2016

Rumah adat Minangkabau dinamakan rumah gadang. Penamaannya sebagai rumah gadang tidak hanya karena ukuran yang besar, tetapi juga disebabkan memiliki fungsi yang sangat besar, dan makna yang dalam bagi kehidupan masyarakat Minangkabau. Itulah sebabnya rumah gadang merupakan monumen di ranah Minangkabau. Sebagai monumen rumah gadang merupakan suatu bukti dari hasil kebudayaan sebuah suku bangsa yang sangat tinggi.

Ketinggian nilai-nilai budaya terkandung pada berbagai simbol yang terdapat pada rumah gadang. Nilai-nilai ini merupakan hal yang perlu dipahami untuk diperingati dan diwarisi secara terus menerus. Nilai-nilai rumah gadang sering dilantunkan sangat indah dalam kata-kata adat, misalnya :

Rumah gadang sambilan ruang, salanja kudo balari, sapakiak budak maimbau sajariah kubin malayang. Gonjongnyo rabuang mambasuik, antiang-antiangnyo disemba alang. Parabuangnyo si ula serang, batatah timah-timah putiah, barasuik tareh limpato. Cucurannyo Alang babega. Saga basusun bak bada mudiek. Parannyo si biang lalo,batata aie ameh, salo manyalo aie perak. Jariaunyo puyuah balari, indah sungguah dipandang mato, tagamba dalam sanubari.

Dindiang ari dilanja paneh, tiang panjang si Maharajo Lelo,tiang dindiang mantari salapan, tiang salapan tiang tiang tapi pangua jamua, tiang dalam puti bakabuang. Ukiran tunggak jadi ukuran, batatah aie ameh, disapuah jo tanah kawi, kamilau mato mamandang, dama tirih bintang kamarau. Batu talapakan camin malayang, cibuak mariau baru sudah. Pananjua parian bapantua. Halaman kasiak tabantang, pasia lumek bagai ditintiang.  Pakarangang bapaga hiduik, pudieng ameh paga lua, pudieng perak paga dalam, batang kamuniang pautan kudo.

Lasuangnyo batu balariak, alunyo limpatu bulek, limau manih sandarannyo. Gadih manumbuak jolong gadang, ayam mancangkua jolong turun, lah kanyang baru disiuhkan, jo panggalan sirantiah dolai, ujuangnyo dibari bajambua suto.

Ado pulo bakolam ikan, aienyo bak kato kucieng, lampua tido lumuik pun tido, ikan sapek balayangan, ikan gariang jinak-jinak, ikan puyu baradai ameh. Rangkiangnyo tujuah sajaja, ditangah sitinjau lauik, panjapuik dagang lalu, paninjau pancalang masuak, dikanan sibayau-bayau, lumbuang makan patang pagi, dikiri sitangguang lapa, tampek simiskin salang tenggang, panolong urang kampuang, dimusim lapa gantuang tungku, lumbuang kaciek salo manyalo, tampek manyimpan padi abuan.