Ujuang
Sungguh singkek.
Manuntuk panggilan.
Ramilah pakan nak rang sintuak.
Rang pauh manjujuang rumpuk.
Rang rantiang jo buah limau.
Alah pihak kapado alek panggilan datuak.
Nan tanamo silang nan bapangka.
Ado juo kolah jauh nan kabajapuk.
Atau pun ampieng nan kaba imbau.
Sungguah pun baitu babari kami pitua hanyo datuak.
Pangka
Alah iyo diateh kadudukan sagalo datuak kito baiek jo tuan sagalo guru, A nan baa disinan kan iyo juo bak pitua komah datuak:
Salirik bandua di tapi
Salanggam bandua di tangah
Duo laraf duo kadudukan
Nan katigo langgam persanggahan
Nan tasungkuk di atok
Nan tatanai di lantai nan sabilah
Nan talingkuang di dindiang nan sabidang
Aratinyo bana.......
Alah iyo diateh kadudukan sagalo datuak kito baik sagalo guru kito pun sakali
Jokok di pangka patuk ka ujuang
Nan di ujuang patuk ka pangka atau
Ditapi patuk katangah
Baik ka tangah patuk ka tapi
Taereng kok tagendeng
Elok rupa kok indah sapamandangan
Sungguahpun baitu babari pitua hanyo datuak
Ujuang
Saba molah datuak samintaro nak ambo paiyokan kapado sagalo datuak kito baik sagalo guru kito dahulu hanyo datuak.
Nan pitua di sagalo datuak kito baik di tuan sagalo guru kito
Dang kato manarik lai di jalannyo
Malatakkan lai pado tampeknyo
Alah tatitieh dialuannyo
Lai pulo tatampuah di jalannyo
Lai indak datuak niek jo sangajo
Lah sampai suko jo maaf
Lah dulu saba jo rila hanyo datuak
Pangka
Sungguah singkek pasambahan nasi
Maantakan tungkek
Minta izin
Adapun nan ka ambo puhun pasambahan kapado datuak
Lah sabarih jamba nan talatak dihadapan sagalo datuak kito baik diharibaan sagalo guru kito
Nan baa jokok jaannyo manuruk pikiran hati kami nan tanamo silang nan bapangka karajo nan bajunjuang, iyo banalah bak pitua ko mah datuak.
Kayu tagak di gantuang ciri
Sarumpun jatuah kalambah
Sungguahnyo ambo tagak bardiri
Mamohon maangkek sambah
Lah basah ujuang bubungan
Lah kanai hujan jo ribuk
Anak satakua jo indurun
Turun kalambah mamakan padi
Manyambah manjujuang tangan
Tahun jam kaduo latak
Tatakua jari tasusun salam
Jo sambah manjalani
Dikarek batang mingkudu
Tabang dipangka balik awah
Pangalan ambiek karakik
Tarik saeto ka pamaga
Samokan papek sahamonyo
Sarigalo namo urang nan punyo
Sungguah tatapek ka panghulu
Sarato basa jo batuah
Imam jo katik alim pandito
Maulana sarato nan rapek disiko
Sagalo iko jamuan nangko
Mingkudu lah sudah kami kalo
Ditutuah mangko dijalin
Dikarek batang sikamumu
Diateh parik rang tugakan
Parik aie bapaga pandan
Singgalang koto badampieng
Kain gaba saeto juo
Baju baludu nak urang taluak
Ambiek saeto ka pambilai
Tak kami sagan mamilieh
Datuak sagalo panghulu lah sudah baselo
Tuan sagalo alim lah sudah basimpuah
Lah sadio sagalo isi jamu
Lah balatakkan nasi jo gulai
Lah langkok kopi jo aie
Mundane kabasuah lah bagandiang
Baatohnyo kini
tariek aie basuahlah tangan
tariklah jamba santok juo
Nak tantu kurang kaditukuak
Nak peto senteng ka dibilai
Karano janang lai tatagak-tagak juo
baru komah datuak.
Sakian sambah jo titah lah bapuhum kapado datuak hanyo datuak.
Ujuang
Lah sampai datuak
Pangka
Bilang singgo itu dahulu hanyo datuak
Ujuang
Saba molah datuak samintaro nak ambo paiyokan kapado sagalo datuak kito baiek di tuan sagalo guru kito dahulu hanyo datuak.
Pangka
Saba molah datuak
Ujuang
Baliau datuak, datuak..........
Pangka
Lalukan molah datuak
Ujuang
Jokok nan sapanjang pitua datuak tadi iyolah ambo paiyokan kapado sagalo datuak kito baiek di tuan sagalo guru nan pitua dari pado baliau kan bak pitua datuak juo
Pariaman jalan ka baruah
Ditabang batang sikarakok
Batang jarami mudo-mudo
Kain gaba batapi sanan
Tanun nan surah rang punyonyo
Tingkuluak dibaok malam
Sakik di asah ka pamenan
Dang kato tangan ka kami basuah
Jamba datuak ka kami santok
Kami banyak ba nan mudo
Jokok gawa mato jo tangan
Bari maaf kami di datuak sagalo sipangkalan
Pangka
Kunun baitu kato datuak, kan iyo pulo tumah datuak, bak pitua juo ko mah datuak.
Baju biludu rang taratak
Kain suto baragi cita
Kain bulu suto barameh
Kabaju suto nak rang bayang
Tariak lah padi ka dipatah
Putiah ruponyo padi lasuah
Sarigalo hulu pangkalan
Kalimpanang dalam biduak
Kok lah nyo itu nan datuak mintak
Lah dahulu saba jo rila
Lah lamo suko jo maaf
Sajaknyo janji kadikarang
putiehlah muko bak dibasuah
Janiah hati bak disasah
Dikami sagalo sipangkalan
Alah kasanang hati datuak
Ujuang
Kunun baitu kato datuak, kan iyo pulo tumah datuak, bak pitua juo komah datuak
Nan elok bak raso ka takana
Nan baiek bak raso katuju
Nan sariek rundiengan santieng
Masaklah padi gando pagan
Lah dapek kato nan bana
Lah bulieh rundiengan katuju
Lah manggarik talunjuak jo kalengkeng
Manampak nasi dalam pinggan hanyo datuak
Pangka
Kunun baitu kato datuak kan iyo pulo tumah datuak bak pitua juo komah datuak
Pik pariak tabang kalereng
Disemba alang jo sikok
Biriak-Biriak kanai gatah
Tanam lasi tapi aia
Salusin kapeh rang pangkeh
Gonjo nak urang sigulandak
Dirameh padi disukatan
Padi rang taluak tigo jangko
Jokoklah manggarik tunjuak jo kalengkeng
Manampak jamba dalam pinggan
Alamek jamba nak basantok
Pihak kapado jamba kami
Antah lambiek antahnyo matah
Antah baraso antah tidak
Karano urang di dapua baduo batigo
A nimba jokok basuo nan sapanjang pitua kami tadi
Minta batarimo suko juo
Baitu sambah nan kadibanarkan kapado datuak hanyo datuak
Ujuang
Kunun baitu kato datuak, kan iyo pulo tumah datuak, bak pitua juo komah datuak :
Dari sintuak handak ka bantan
Padi si arang di ateh batu
Tumbuah cangkiang di hulu angin
Kusuk kulindam dalam banang
Pananun suto dalam ijuak
Ringan - ringan dalam kasua
Kalimaie di ateh param
Gaba di ateh tingkok pulo
Sigulandak batang jarami
Manolah datuak nan main pantan
Jaan disabuik iko jo itu
Usah dirundiang niaik jo niin
Mukasuik makan nak nyo kanyang
Niek nak minum naknyo sajuak
Jokok tangan ka kami basuah
Jamba datuak ka kami santok
Akan tatapi basamo-samo kito makan
Baitu nan kandak hati kami
Pangka
Kunun baitu kato datuak iyo pulo tumah datuak, bak pitua juo ko mah datuak
Pariaman jalan ka baruah
Kaloyang sumua nak rang solok
Simabua kotonyo rato
Kain pandak panjang sambilan
Animba jokok tangan ka datuak basuah
Jamba kami ka datuak santok
Bari...........
Baiyu kandak sipangkalan
Ujuang
Kunun baitu kato datuak iyo pulo tumah datuak, bak pitua juo komah datuak :
Kain sirah batapi sanan
Tasangkuk di kayu sakah
Dahan disitu ka rang jaik
Panjalo udang dalam lubuak
Bismillah sajak ka makan
Alhamdulillah akhirnyo sudah
Itulah hulu muaronyo
Alah ka sanang hati datuak
Pangka
Kunun baitu kato datuak iyo pulo tumah datuak, bak pitua juo komah datuak
Kaparak tanamlah sirieh
Karimbo tanamlah paku
Kalimpanang di kida jalan
Dangkato kandak alah buliah
Pinto bak raso ka balaku
Lah sanang hati sipangkalan
Baatohnyo kini tariak aie basuhlah tangan
nyolai datuak
Ujuang
Baitu molah datuak
Pidato baranti makan
Ujuang
Baliau datuak, datuak........
Pangka
Lalukan molah datuak
Ujuang
Nan kadipulangkan kapado datuak alah iyo di ateh pambarian datuak tadi, nan pitua disagalo datuak kito baiek jo tuan sagalo guru bak pitua datuak juo
Kilek-bakilek cincin deta
Dibao sutan malakewi
Goleklah tibo ka nan data
Tak namuah bajalan lai
Sungguah pun baitu babari pitua hanyo datuak
Pangka
Alah sampai datuak
Ujuang
Bilang sahinggo itu dahulu hanyo datuak
Pangka
Nan pitua di sagalo datuak nan tanamo silang nan bapangka karajo nan bajunjuang
Dari darek ka tanah data
Babelok jalan ka talawi
Suliak aie parang jo ripan
Nan baa dang kato golek lah tibo di nan data
Tak namuah bajalan lai
Tariak aia basuahlah tangan nyolai datuak
Ujuang
Lah sampai datuak
Pangka
Bilang sahinggo itu dahulu hanyo datuak
Ujuang
Nan baa dang kato lah babari pitua dari pado datuak nan sapatah nantun alah kami kuasokan sajo nyo lai datuak
Maasak pinggan
Pangka
Baitu molah datuak
Pangka
Baliau datuak, datuak.......
Ujuang
Lalukanlah molah datuak
Pangka
Nan kadipulangkan kapado datuak nan pitua di sagalo datuak kito nan tanamo silang nan bapangka karajo nan bajunjuang, alah iyo nan tarupo di hadapan sagalo datuak kito baik jo tuan sagalo guru, kan bak pitua datuak juo.
Nan baa jokok dari tadinyo
Angkuah baririk bak karangan
Arak batambo bak basiang
Basukek pulo bak barimbang
Nan baa kini datuak lah kusuk suto ditanam
Bak banang dikakeh ayam, sungguahpun baitu
Babari pitua hanyo datuak
Ujuang
Mananyoan baban
Pangka
Sabalum mamasang kaua
Nan kadibanakan kapado datuak nan pitua disagalo
datuak kito nan tanamo silang nan bapangka baik
karajo nan bajunjuang
Nimba jokok pakauran nangko
kan angkuah balirik bak karangan arak batambo
Bak basiang basukek pulo bak barimbang nan karano ambo
nanko kan urang mudo
dimulo banyak nan ragu, dilamo ambo kok lupo
bak pitua datuak :
Pitulo kalantai pagu
Pulau pandan jo pulau cingkuak
Layu-layu batang limpapeh
Dimudo banyak nan ragu
Bak ayam jolong bakukuak
Bak puyuah jolong mangipeh
Antah tasabuk dilarangan
Antah tabaco dipantangan
Manjuluk kok tidak sampai kabuah
Malantiang kok tidak tibo ditampuak
Ujuang
Nan pitua disagalo datuak kito baiek disagalo guru kito
Dang kato kaji makanan simak
Aia janiah makanan suriang aratinyo bana
Balicak sapanjang alua
Batampuah sapanjang jalan
Dang kato lai talicak di aluanyo
Tatitieh dijalannyo, nan baa jokok nan tingga
Lah dulu maaf jo rila hanyo datuak
Jaan disabuik iko jo itu
Usah dirundiang niaik jo niin
Mukasuik makan nak nyo kanyang
Niek nak minum naknyo sajuak
Jokok tangan ka kami basuah
Jamba datuak ka kami santok
Akan tatapi basamo-samo kito makan
Baitu nan kandak hati kami
Pangka
Kunun baitu kato datuak iyo pulo tumah datuak, bak pitua juo ko mah datuak
Pariaman jalan ka baruah
Kaloyang sumua nak rang solok
Simabua kotonyo rato
Kain pandak panjang sambilan
Animba jokok tangan ka datuak basuah
Jamba kami ka datuak santok
Bari...........
Baiyu kandak sipangkalan
Ujuang
Kunun baitu kato datuak iyo pulo tumah datuak, bak pitua juo komah datuak :
Kain sirah batapi sanan
Tasangkuk di kayu sakah
Dahan disitu ka rang jaik
Panjalo udang dalam lubuak
Bismillah sajak ka makan
Alhamdulillah akhirnyo sudah
Itulah hulu muaronyo
Alah ka sanang hati datuak
Pangka
Kunun baitu kato datuak iyo pulo tumah datuak, bak pitua juo komah datuak
Kaparak tanamlah sirieh
Karimbo tanamlah paku
Kalimpanang di kida jalan
Dangkato kandak alah buliah
Pinto bak raso ka balaku
Lah sanang hati sipangkalan
Baatohnyo kini tariak aie basuhlah tangan
nyolai datuak
Ujuang
Baitu molah datuak
Pidato baranti makan
Ujuang
Baliau datuak, datuak........
Pangka
Lalukan molah datuak
Ujuang
Nan kadipulangkan kapado datuak alah iyo di ateh pambarian datuak tadi, nan pitua disagalo datuak kito baiek jo tuan sagalo guru bak pitua datuak juo
Kilek-bakilek cincin deta
Dibao sutan malakewi
Goleklah tibo ka nan data
Tak namuah bajalan lai
Sungguah pun baitu babari pitua hanyo datuak
Pangka
Alah sampai datuak
Ujuang
Bilang sahinggo itu dahulu hanyo datuak
Pangka
Nan pitua di sagalo datuak nan tanamo silang nan bapangka karajo nan bajunjuang
Dari darek ka tanah data
Babelok jalan ka talawi
Suliak aie parang jo ripan
Nan baa dang kato golek lah tibo di nan data
Tak namuah bajalan lai
Tariak aia basuahlah tangan nyolai datuak
Ujuang
Lah sampai datuak
Pangka
Bilang sahinggo itu dahulu hanyo datuak
Ujuang
Nan baa dang kato lah babari pitua dari pado datuak nan sapatah nantun alah kami kuasokan sajo nyo lai datuak
Maasak pinggan
Pangka
Baitu molah datuak
Pangka
Baliau datuak, datuak.......
Ujuang
Lalukanlah molah datuak
Pangka
Nan kadipulangkan kapado datuak nan pitua di sagalo datuak kito nan tanamo silang nan bapangka karajo nan bajunjuang, alah iyo nan tarupo di hadapan sagalo datuak kito baik jo tuan sagalo guru, kan bak pitua datuak juo.
Nan baa jokok dari tadinyo
Angkuah baririk bak karangan
Arak batambo bak basiang
Basukek pulo bak barimbang
Nan baa kini datuak lah kusuk suto ditanam
Bak banang dikakeh ayam, sungguahpun baitu
Babari pitua hanyo datuak
Ujuang
Mananyoan baban
Pangka
Sabalum mamasang kaua
Nan kadibanakan kapado datuak nan pitua disagalo
datuak kito nan tanamo silang nan bapangka baik
karajo nan bajunjuang
Nimba jokok pakauran nangko
kan angkuah balirik bak karangan arak batambo
Bak basiang basukek pulo bak barimbang nan karano ambo
nanko kan urang mudo
dimulo banyak nan ragu, dilamo ambo kok lupo
bak pitua datuak :
Pitulo kalantai pagu
Pulau pandan jo pulau cingkuak
Layu-layu batang limpapeh
Dimudo banyak nan ragu
Bak ayam jolong bakukuak
Bak puyuah jolong mangipeh
Antah tasabuk dilarangan
Antah tabaco dipantangan
Manjuluk kok tidak sampai kabuah
Malantiang kok tidak tibo ditampuak
Ujuang
Nan pitua disagalo datuak kito baiek disagalo guru kito
Dang kato kaji makanan simak
Aia janiah makanan suriang aratinyo bana
Balicak sapanjang alua
Batampuah sapanjang jalan
Dang kato lai talicak di aluanyo
Tatitieh dijalannyo, nan baa jokok nan tingga
Lah dulu maaf jo rila hanyo datuak
0 Komentar untuk "Pidato Adat (Pidato Adat Menyambut Bulan Ramadhan)"