Pidato Adat Kaua Helat Babukak Baju

Thursday, November 24, 2016

awal dulu kato bana asal dulu tampel tumbuh, tumbuh di adek kadipakai, tibo disarak kaditopang, awal jo patuik lah sajinjieng, adat jo sarak lah sakabek, karano bulek lah bulieh digolongkan pipih lah buliah dilayangkan, mangko dapeklah dikami jalan nan duo

1. Jalan karano Allah SWT
2. Jalan karano dunia seperti kata ayat berikut AL MALU WAL BANUNA ZINATUL AYATA DUNIA

Artinyo bana datuak

Adapun harato dan anak adalah perhiasan hiduik di ateh dunia nangko, tantangan balai jo musajik rumah tanggo, labuah jo galanggang, sungai jo tapian, oilah ka tampek mandiri dan manyerak - mayeraikan adat dan ibadat seperti cupak jo gantang, tatah jo limbago niniek kito nan lah tadahulu dahulunyo.

Kamudian dari pado itu mangko kami larehkan asal dan usul, awal dan akhir itupun diperoleh dari nabi Muhammad SAW yang mangarajokan karajo yang marullah yang bersetujuan dengan syarak nan lazim adat nan kawi.

Kamudian pulo dari pado itu adapun pusako kito di ateh tanah nan sakapa di bawah awan nan sakupa di ateh dunia nan talantang di bawah langik nan takambang iolah basuku babuah paruik baluak ba nagari.

kamudian dari pado itu mangko baredatlah bumi dengan langik tarabik jangkal awal matohari di pintu dan berhemat baik disaluak nan banago, sunteng kiri sunteng kanan, cincin pangalengkengan artinyo bana datuak

Jokok kito malahian anak silaki-laki atau perempuan mangkok berhimpun utang di ateh ayah jo bundo baik ninik jo mamak 2, 3, 4, 5 pakaro

Nan ka 1 turun mandi

Nan ka 2 kekah

Nan ka 3 pangkeh gombak

Nan ka 4 sunah rasua

Nan ka 5 arak kawin nan kanamonyo

Adapun nan utang 5 nantun iyolah tabagi di ateh 2 parkaro

1. Utang nan sapanjang sarak nan basandi kitabullah
2. Utang nan sapanjang adat basandi alau basandi patuik

Nan baa jokok nan sapanjang sarak kan dilangsungkan di angku angku kito di surau ataupun di musajik manuruik papatah katitiahnyo manuruik adat jo limbagonyo nan sapanjang pitaruah nabi kito Muhammad SAW, nan bajokok nan sapanjang adat kan io juo bak pitua komah datuak

Limau puruik rajo bagengga

Kulinseng pudeng baisi

Jokok nan datang lah sa umpamo rajo

Nan mananti saparti puti

kalaluannyo bana

Lah rela mande jo bapak, nikmat korong jo kampuang, diateh kandak nan lah buliah, di ateh pinto nan lah balaku nan baa di sinan

Kupiek mandi di hulu

Manjambo ikan dikarang

Baa niek maso dahulu

Sampainyo maso sekarang

Dibali kumayan putiah

Dibali di pakan akek

Dibua di langan baju

Dipanggang di parapian

Asok mandulang sampai ka baliek

Nan baa kato kandak alah bulieh

Pinto nan lah balaku

Puji nan lah barakek

Lah sanang paratian timba jo baliak

Nan baa jokok di kami nan banamo niniek jo mamaknyo sarato ayah jo bundonyo kan io juo bak pitua komah datuak

Apo guno junjuang lado

Ka paapik dindiang jo sasak

Apo kaguno urang sumando

Sumando katapian niniek jo mamak

Katampek baiyo-iyo

Ka lawan barundieng rundieng

kabakan picayo hati

katampek tuka pikiran

kamudian dari pado itu

Kapayuang panji niniek jo mamak, kamanggantikan ayah jo bundo, nan karamo ramo ditingkok intan mangkuto tangan, rumah takunci biliek dalam, kasantuang peti nan bagewang artinyo bana datuak

Ka maarak ka mambantang

Ka maatok ka mambilang

Ka simpanan rusio jo bathin

Kamudian dari pado itu alah io malapehkan utang kekah komah datuak

Nan baa kato lah di bayie di ateh utang ayah jo bundo baik niniek jo mamaknyo, lapeh juo molah dari pado utang nan sawajah iko nangko komah datuak dari dunia sampai ka akhirek, baa jokok paja nan kito kekahkan nantun ka nan baik lakeh juo molah disampaikan Allah SWT hanyo datuak

Kamudian daripado itu alah kapado urang nan manolong karajo kito nangko komah datuak

Nan manolong sakabek kayu

Nan manolong sakabek sirieh

Nan manolong sacupak bareh

Nan manolong duduak

Nan manolong tagak

Nan manolong muluik manih pun sakali

io bapahalo juo molah pado urang nantunnyo datuak...........

Kamudian daripado itu datuak sagalo panghulu sahandiko tuan sagalo alim nan saagamo manti satimbangan hulubalang salangkah nan rapek sakato

Aie tanang katampek mandi

Lah kambang bungo salibu

Bumi sanang padi manjadi

Taranak kambang baribu

Batu banyak jo muaro paneh

Balayie kapa ka pariaman

Samo banyak hujan jo paneh

Nak mudo tanam tanaman

Sakiroitu parkauran hanyo datuak jokok kurang batukuak di datuak hanyo datuak.............